കണ്ണാട്ടനും കുഞ്ഞുപെങ്ങളും

പണ്ട് അങ്കനവാടി മൂന്നരയ്ക്ക് വിട്ടുകഴിഞ്ഞാൽ തൊട്ടടുത്തുള്ള ഏട്ടൻ്റെ സ്കൂളിൽ പോകുമായിരുന്നു ഞാൻ. വീടും സ്കൂളും അങ്കനവാടിയുമെല്ലാം അടുത്തടുത്താണ്. എന്നാലും ഞാൻ വീട്ടിൽപോകാതെ, ഏട്ടൻ്റെ സ്കൂളിൽ(പിന്നീട് എൻ്റേയും) കയറിച്ചെലും, ആരേയും കൂസാതെ.. ഏഴ് എ, ബി; ആറ് എ,ബി; അഞ്ച് എ, ബി; ഈ ക്ലാസുകളൊക്കെ പിന്നിട്ട് അവിടെയുള്ള ടീച്ചർമാരേയും പിള്ളേരെയും മൈൻ്റ് ചെയ്യാതെ നാലാം ക്ലാസിൽ ചോദ്യവും പറച്ചിലും ഇല്ലാതെ കയറും. ആൺപിള്ളാരുടെ ഭാഗത്ത് എന്നെ കണ്ട് പതുങ്ങിയിരിക്കുന്ന ഏട്ടൻ്റെ അടുത്ത്പോയി ഇരിക്കും, ചില പൂച്ചകൾ മുട്ടിയുരുമ്മി സോപ്പിടുന്നപോലെ.. പിന്നെ ക്ലാസിലെ പിള്ളേരുടെയും മാഷിൻ്റെയും വർത്താനൊക്കെ കേട്ടിരിക്കും.. ചിലപെൺപിള്ളേർ വന്ന് കൊഞ്ചിക്കും അങ്ങനെയൊക്കെ നല്ല രസായ്രുന്നു...