പ്രിയപ്പെട്ട പെണ്ണുങ്ങളെ,
ആചാരേണ വനിതാദിനാശംസകൾ നേരുന്നു. ഇന്നെങ്കിലും നമ്മളാണ് താരം. സകല മാധ്യമങ്ങളിലും നമ്മൾ എത്തിപ്പിടിച്ച സ്ഥാനങ്ങളുടെയും അതിജീവിച്ച വിഷമങ്ങളുടെയും കഥകൾ വാർത്തകളായി നിറയട്ടെ. കുലസ്ത്രീകളായി നമുക്ക് കേരളസാരിയുടുത്ത് അന്നനട നടക്കാം. വീടുകളിൽ ചോറും കറികളും വെച്ച് നമുക്കെല്ലാവരെയും ഊട്ടിയുറക്കാം.
അതേസമയം പൊരിച്ചമീനിന് കണക്ക് പറയുന്നവരുടെ കറികളിലെ എരിവിൻ്റെയും പുളിയുടെയും ഏറ്റക്കുറച്ചിലുകളെ കുറിച്ച് നമുക്ക് പിറുപിറുക്കാം. അവരുടെ താലിയുടേയും സിന്ദൂരത്തിൻ്റെയും അസാനിധ്യത്തെക്കുറിച്ച് ഓർമപ്പെടുത്തി നമുക്ക് മാതൃകയാകാം. അവളുടെ ഉടലിൻ്റെയും ചുമലുകടക്കാത്ത മുടിയുടേയും നിലവാരം നമുക്ക് മറ്റുള്ള കുലസ്ത്രീകളുമായി താരതമ്യം ചെയ്യാം. പരദൂഷണസദസുകളിൽ വരാതെ ഡിജിറ്റൽ ലോകത്ത് വിശ്രമിക്കുന്ന അവരെ കൂപമണ്ഡൂകങ്ങളെന്ന് പറയാം.
