കലർപ്പില്ലാത്ത ഭൂതകാലത്തിന്റെ ഒരു 'കത'

ഒരു സാഹിത്യകൃതി നമ്മുടെ കണ്ണൂർ ഭാഷയെ എങ്ങനെ കൈകാര്യം ചെയ്യുന്നുവെന്നും അത് നമ്മുടെ ഏതൊക്കെ ഭൂമേഖലയിൽക്കൂടി കടന്നുപോകുന്നുമെന്നും അറിയാനുള്ള താല്പര്യമാണ്
'കല്ല്യാണിയെന്നും ദാക്ഷായണിയെന്നും പേരായ രണ്ടു സ്ത്രീകളുടെ കത' വായിക്കുവാൻ പ്രേരിപ്പിച്ചത്. നമ്മുടെ അമ്മൂമ്മമാരുടെ കാലത്തെയാണ് ഇതിൽ ഉൾക്കൊള്ളുന്നതെങ്കിലും വളരെ വിശാലമായ കാഴ്ചപ്പാടുള്ള ചില  പെണ്ണുങ്ങളുടെ അടയാളപ്പെടുത്തലുകളാണ് 'കത'യിലുടനീളം. അതേ കാലത്തിന്റെ തുടർച്ചതന്നെയാണ് ഇന്നു നാം കോൾമയിർ കൊള്ളുന്ന ഈ ഇരുപത്തൊന്നാം നൂറ്റാണ്ടെന്ന് വായനാവസാനം നമുക്ക് ബോധ്യപ്പെടുന്നു.